Ainhoa Garmendia dugu geure euskal sopranoen artean entzutetsuenetako bat eta berriki disko berria plazaratu du Itziar Barredo pianista bilbotarrarekin batera. Elkar argitaletxeak Bihotzeko Amalur izeneko disko honetan 20 abesti herrikoi jaso nahi izan ditu, abeslariaren hitzetean inolako lan antropologiko edo intelektualik egin nahi barik, barrenetik eta sentimenduetatik egindako lana baita.

Alemanian bizi den soprano ordiziar honek, etxetik urrun dagoenean abesten dituen euskal kantak jaso nahi izan ditu, horien artean guztiontzat ezagunak diren “Loretxoa”, “Kaia barrenian”, “Hator, hator”, “Nun zira?”, “Hiru damatxo”, “Uso maitagarri”, “Adio Euskal Herriari”, “Aldapeko”, “Hala baita”, “Hara nun diran” eta “Haritz adarrean” daudelarik.